De Kalidad nga Serbisyo, Gisaad

Ni Alex Mapoy

RIBBON CUTTING. Pormal nang gibuksan ang bag-ong building sa DOTC Caraga alang sa mas komportableng lugar sa mga kliyente

BUTUAN CITY – Gisaad sa kadumalahan sa Department of Transportation and Communication (DOTC) Caraga nga mahatagan sa mas komportable ug mas de kalidad nga serbisyo ang mga kliyente subay sa pormal nga pagbukas sa bag-ong building ug pag-bendisyon pipila ka adlaw ang nakalabay.

Mismo si DOTC Caraga Regional Director Engr. Roman Jumawan ang nitambong sa nasangpit nga pagbukas diin highlight sa kalihokan mao ang ribbon-cutting ug blessing.

Sumala ni Ruffy Lunti, isa ka public utility bus (PUB) driver kinsa nakasaksi sa maong kalihokan, mas nindot ang building nga kon kini mahuman, dunay ipahigayong ribbon-cutting isip timaan nga pormal na kini nga pagagamiton ug labaw sa tanan ang pagpa-blessing aron duna kini bendisyon gikan sa Kahitas-an.

Alang usab ni Luis Canto, isa sa mga nag-renew og driver’s license, nakadayeg kini sa liderato ni Engr. Jumawan sanglit sukad kini nga maoy nilingkod isip rehiyonal nga direktor, daghang kausaban ang nahimo sama na lamang sa renovation sa building ug daghan pang uban.

Hisayran nga gigamit na ang bag-ong building pipila ka bulan ang nilabay dihang kini nahuman, apan sa nakalabay’ng adlaw lang gihimo ang ribbon-cutting ug blessing.