Law Office Gibuksan

Ni Alex Mapoy

Tantay – Benigian Law Office

BUTUAN CITY – Pormal nang gibuksan ang Tantay – Benigian Law Office sa 2^nd Floor, Jast Building, 926 Ochoa Avenue sakop sa Barangay Limaha ning siyudad adtong Huwebes nga adlaw.

Nagsilbing “highlight” sa kalihokan ang gihimong “ribbon cutting” ug pagbendisyon sa maong buhatan sa pagpanguna ni Rev. Fr. Seigfred Dosdos.

Gisaksihan ang maong kalihokan sa mga suod nga higala nila Atty. Jesus “Jess” E. Tantay, ECE labi na ang tibuok niining banay ug Atty. Mardovic Dodge D. Benigian II.

Ang Tantay – Benigian Law Office gidumala nila Atty. Tantay ug Atty. Benigian.

Sumala ni Ariel Agipo, isa sa mga observer, mas nindot ang maong dapit sanglit dali ra kini nga matud-an.

Gawas niana, dugang ni Agipo, nindot usab ang sulod sa maong buhatan diin mahatagan sa mas komportableng lugar ang mga kliyente sa duha ka mga bantogan nga mga abogado.

Nanghinaut na lamang ang nauwahi nga daghan pang mga kliyente ang matabangan sa mga nahisgotan.