World Population Day, Kasado Na

Ni Alex Mapoy

PopCom Caraga Regional Director Alexander A. Makinano said the 

forum 

seeks a comprehensive and integrated course of action 

on population calamities

BUTUAN CITY – Pangunahan sa Population Commission (PopCom) Caraga ang pagselebrar sa World Population Day karong Bernes, Hulyo 10, ning kasamtangang tuig.

Hisayran, ang orihinal nga petsa sa World Population Day mao ang Hulyo 11, apan gi-atras kini sa komisyon sanglit ang maong petsa natunong sa adlaw’ng Sabado, hinungdan nga Bernes na lamang kini ipahigayon.

Katuyoan sa selebrasyon mao ang pagtuki sa nagkadaiyang isyu labi na sa gitawag og population calamities atol sa ipahigayong inter-agency ug multi-sectoral forum.

Sumala ni PopCom Caraga Regional Director Alexander A. Makinano, tinguha sa komisyon nga pinaagi sa paghisgot sa nagkadaiyang isyu sa “population calamities,” makahimo ang buhatan sa mas komprehensibo ug nilangkob nga sulbad sa mo tumaw unya nga mga isyu.

“An inter-agency and multi-sectoral forum is organized to deal issues and concerns surround population calamities. The forum seeks a comprehensive and integrated course of action on July 10, 2015, 8:00AM to 3:00PM at the Big Daddy’s Convention Center, beside Veteran’s Bank, J.C. Aquino Ave., Butuan City,” tipik sa mensahe ni Makinano.

Ang maong selebrasyon gisabak sa tema, “Vulnerable Populations in Emergencies.”

Nasuta nga daghang kababayen-an, kabataan, ug kabatan-onan ang nahimong biktima sa dislokasyon gikan sa kaugalingong panimay gumikan sa nahitabong kagubot sa komunidad ug katalagman sa halos mayoryang bahin sa kalibotan.

Malaumon ang opisyal nga pinaagi sa maong selebrasyon ug sa ipahigayong forum, dunay positibong resulta nga mahimong tamdanan alang sa kamugnaan sa epektibong interbensyon sa matag isyu nga matuki.