Sunday, July 5, 2015

Employees Gipailawom sa Values Workshop

Ni Alex Mapoy

To uncover overt and introvert traits and attitudes of individuals, a sharing sessions was conducted facilitated by Director Christopher Mabale (far right standing) of CSC Agusan del Norte. Photo Courtesy of Aurelius P. Arais & Fretcher Magatao, DA-13
BUTUAN CITY – Gilauman nga mahimong epektibong empleyado ang 144 ka mga bag-ong personahe sa Department of Agriculture (DA) Caraga human napailawom sa Values Orientation Workshop.

Nagdapit ang Human Resources Section sa maong ahensya og taga – Civil Service Commission (CSC) aron maoy magpahigayon og oryentasyon sa mga nahisgutan.

Sumala nila Aurelius P. Arais ug Fretcher Magatao sa DA Caraga, isa – isa nga gipasabot nila Civil Service Commission (CSC) Agusan del Norte Director II Christopher Mabale, Human Resources Specialists Ligaya Cueva, ug Aurora Mantilla gikan sa CSC Regional Office ang mga nahisgutan aron mahatag ang de kalidad nga serbisyo ngadto sa mga Caraganon.

Dugang nila Arais ug Magatao, gihimo kini sa kadumalahan ni DA Caraga Regional Director Edna Mabeza aron makasayod ang mga nahisgotan kon unsay buhaton sa dapit dis-a sila ipang-destino.

Gipasabot ni Dir. Mabeza ang mga bag-ong personahe nga bililhon ang maong kalihokan sanglit makatabang kini kanila isip giya kon unsay ilang buhaton labi na sa pagserbisyo sa katawhan.

Pamugos sa direktor, matag serbisyo nga itunol sa matag personahe ngadto sa kliyente ang duna kini tulubagon kon natagbaw ba kini sa serbisyo o wala.

Sa kabahinan ni Dir. Mabale, ang Values Oriental Workshop (VOW) maoy gisagop sa kagamhanan isip intervention program subay sa nakalatid sa Republic Act (RA) 6713 o mas naila nga Code of Conduct and Ethical Standards for Government Officials and Employees ug Republic Act (RA) 9485 o mas naila nga Anti-Red Tape Act of 2007.

Giklaro sa opisyal, angayan lamang nga masayod ang matag personahe o empleyado sa goberno kon unsaon pag-atubang o pag-atiman ang mga kliyente sa ingon kini matagbaw sa serbisyo.

No comments:

Post a Comment