Thursday, August 13, 2015

38 Media Practitioners, Scholar sa RCC

Ni Alex Mapoy
SCHOLARSHIP: Isa si Rey Brangan, Acting Chief of Reporter sa Bombo Radyo Butuan sa mga nakadawat og Certificate of Scholarship Grant nga gihatag sa Regional Coordination Council (RCC) Caraga. Photo by Alex Mapoy
BUTUAN CITY – Pipila ka media practitioners sa dakbayan sa Butuan ang gihanyagan og scholarship sa Regional Coordination Council (RCC) Caraga.

Libre nga mapahimuslan ug maka-enroll ang mga benepisyaryo sa bisan unsa nga mga programa sa Technical Education and Skills Development Authority (TESDA).

Trayntay-otso (38) ka mga reporters ang maka-avail sa nasangpit nga grant nga dunay isa ka tuig nga validity diin 10 niini ang mopailawom sa Barista Skills Training sugod karong Agosto 24 ning tuiga.

Hisayran nga nagsumikad ang maong ideya ni DOLE Caraga Regional Director Atty. Johnson G. CaƱete nga hatagan og scholarship grant ang mga reporters nga nagbisitahan sa mga ahensya nga membro sa RCC.

Dali usab nga gisuportahan ni TESDA Caraga Regional Director Dr. Florencio Sunico, Jr. ang maong ideya isip pasalamat sa mga media practitioners nga kanunay nitambong sa binulang konperensiya sa RCC.

Ang RCC gipangunahan sa DOLE diin membro niini ang  TESDA, Regional Tripartite Wages and Productivity Board (RTWPB), National Conciliation and Mediation Board (NCMB), Philippine Overseas Employment Administration (POEA), Overseas Workers Welfare Administration (OWWA), Employees Compensation Commission (ECC), National Reintegration Center for OFWs (NRCO), Occupational Safety and Health Center (OSHC), National Labor Relations Commission (NLRC), ug Professional Regulatory Commission (PRC). 

No comments:

Post a Comment