Tuesday, August 11, 2015

No UMID Card Daghan Pa - SSS

Ni Alex Mapoy
Kliyente sa SSS Butuan nagpahigayon og transaksyon sa naasoy'ng buhatan.
BUTUAN CITY – Gi-angkon sa kadumalahan sa Social Security System (SSS) Butuan nga daghan pang mga membro ang walay nahuptang UMID CARD.

Sumala ni SSS Butuan Assistant Branch Head Arnold Pepino, daghan pa gihapon sa mga membro ang wala nakahupot og UMID Card hinungdan nga gidasig ang mga nahisgotan sa pagkuha.

Dugang ni Pepino, mas bentaha kon dunay UMID Card ang membro sanglit kon duna kini transaksyon nga pagahimuon, mas dali lamang kon itandi niadtong wala sanglit segurado nga madugay kini gumikan kay pangitaan pa og laing mga dokumento.

Gawas nga mapadali ang transaksyon, magamit usab ang UMID Card kon duna kini transaksyon nga pagahimuon sa PhilHealth ug Pag-Ibig.

Awhag  sa opisyal, kon ugaling wala kini higayon pagbisita sa ilang buhatan pagpa-ID, mahimo kining adto na lamang sa Robinsons Place Butuan magpa-ID sanglit atua usab silay satellite field office.

Pamugos sa opisyal, samtang mag-shopping sa maong mall, mo hapit lamang kini kadali sa ilang satellite office aron magpa-ID.

Gi-abrehan ang satellite office sa nakalabay’ng mga bulan ug daghan na usab ang naka-avail niini.

Makuha ang UMID Card gikan sa pagpa-ID mga tulo ka bulan sanglit paspas na ang ilang system kon itandi sa nilabay’ng katuigan nga mo abot pa sa halos unom ka bulan ayha makuha.

Kining matanga sa SSS card ang libre kining ihatag ngadto sa membro, apan kon ilisan sa membro kay nawala, duna na kini tukmang kantidad nga pagabayran. 

No comments:

Post a Comment