LGUs Ipailawom sa Orientation

Ni Alex Mapoy

POPCOM Caraga Regional Director Alexander A. Makinano.
Photo File of PopCom Caraga

BUTUAN CITY – Ipailawom sa Population Commission (PopCom) Caraga sa tulo ka adlaw nga oryentasyon ang tanang local government units (LGUs) sa duha ka probensya ug isa ka siyudad sa umaabot Hunyo 10, 11, ug 17 sa kasamtangang tuig.

Katuyoan niini mao ang pagmugna sa Provincial ug City Implementation Team (PIT/CIT) sa ingon malahutayong mapatuman ang probisyones nga nakalatid sa Republic Act (RA) 10354 o mas naila nga Responsible Parenthood and Reproductive Health (RPRH) Law.

Partikular nga mga LGUs nga ipailawom sa oryentasyon ang tanang lungsod nga sakop sa probensya sa Surigao del Sur ug Province of Dinagat Islands (PDI) ug lakip usab ang LGU Tandag.

Gikasa ang maong lakang human hingpit na organisa ang Regional Implementation Team (RIT) ning ulahing mga bulan.

Sumala ni POPCOM Caraga Regional Director Alexander A. Makinano, sa higayong ma-organisa na ang nahisgutang mga LGus, magpahigayon na usab kini og capacity building activities, advocacy, information dissemination, health service delivery, field operations, monitoring, ug evaluation sa tagsa-tagsa ka lokalidad aron mabati ang “impact” ngadto sa mga residente.

Nanghinaut si Makinano nga  dili pakyason sa mga LGUs ang maong kalihokan sa ingon mapahugtan ang implementasyon sa RH Law.

Una nang gipasabot ni POPCOM Executive Director Dr. Juan Antonio A. Perez III atol sa gipahigayong Regional Population Executive Board ug Regional Implementation Team ang kabahin sa tahas ug kaakohan sa RIT labi na sa pagpatuman sa nasangpit nga balaud.