Law Enforcers Gipasidunggan

Ni Alex Mapoy

AWARDEE. Hagit sa mga gipasidunggan nga mamintina ang naangkong pasidungog ug magsilbing ehemplo ngadto sa tanang kaubanan.

BUTUAN CITY – Lima ka mga personahe sa Department of Transportation and Communications (DOTC) Caraga ang gipasidunggan sa rehiyonal nga buhatan.

Naila ang mga awardees nga sila Law Enforcers Felixberto B. Loayon, Leonido R. Balacuit, Alioden D. Gabriel, Eladio M. Acas ug Deputized Agent Rogelio S. Bangot, Jr.

Gipasidunggan sa rehiyonal nga buhatan ubos sa kadumalahan ni DOTC Caraga Regional Director Engr. Roman M. Jumawan ang mga nahisgotan sanglit nahimo kining kasaligan sa tahas nga gisangon kanila.

Sila ang gikonsiderang Outstanding Law Enforcer of the Month sa rehiyonal nga buhatan kinsa magsilbing ehemplo ug inspirasyon sa tanang kaubanan.

Ang maong pasidungog magsilbing hagit sa mga nahisgotan nga mamintina latas sa katuigan isip personahe sa naasoy’ng ahensya.

Mapasalamaton usab ang kadumalahan ni Engr. Jumawan ngadto sa mga nahisgotan tungod sa kasibot paghimo sa inadlaw niining trabaho.

Nanghinaut usab ang rehiyonal nga buhatan nga madugangan pa ang ihap sa ilang personahe nga mahimong Outstanding Law Enforcer.