 |
TURNOVER. Personal nga gipangunahan ni Agriculture Asst Secretary Edilberto De Luna kaabag si DA Caraga Director
Edna Mabeza ang pagtunol sa mga proyektong pang-agrikultura sa probensyal nga
panggamhanan sa Surigao del Sur ug dakbayan sa Bislig. Photo courtesy of DA Caraga Public Relations
Officer II Aurelius P. Arais
|
BUTUAN CITY – Gidasig sa Department of
Agriculture (DA) Caraga ang publiko nga pahimuslan ang nagkadaiyang
interbensyon sa rehiyonal nga buhatan sa sektor sa agrikultura.
Hisayran
nga ilawom sa banner programs sa ahensya, anaa ang humay, mais, lagutmon ug
daghan pang uban nga mahimong kapahimuslan.
Gikabutyag
ni DA Caraga Regional Director Edna Mabeza, daghang proyekto ug mga serbisyo
ang mahimong kapahimuslan sa katawhan labi na sa banner programs sa ahensya.
Tambag
ni Dir. Mabeza, niadtong gusto nga mo avail, mas maayong makig-alayon kini sa
pinakaduol nga city o kaha municipal agriculture’s office aron matabangan nga
makapahimulos sa interbensyon nga gihanyag sa ahensya.
Saad sa
opisyal, kun ugaling ang mga residente sa usa ka lugar maka-prodyus og daghang
produksyon sama sa mais, humay o daghan pang uban, andam ang rehiyonal nga
buhatan nga mo gahin og pundo aron kabutangan og processing center sa mismong
lugar.
Gihimo
ang saad ug pagdasig sa rehiyonal direktor atol sa pormal nga turnover sa mga
konkretong farm-to-market roads (FMRs) sa probensya sa Surigao del Sur sa
nakalabay’ng semana.
No comments:
Post a Comment