Poe Neutral; Chiz Supak sa Marijuana Med

Ni Alex Mapoy

BARUGANAN. Managlahi ang barugan nila Senator Grace Poe ug Senator Chiz Escudero kabahin sa isyu kun angayan ba nga himoong legal ang marijuana aron himuong tambal, apan nag-abot ang duha sa aspetong legal.

BUTUAN CITY – Nabahin ang baruganan nila Senator Grace Poe ug Senator Chiz Escudero sa isyu kon angayan bang himuong tambal ang marijuana.

Hisayran nga pipila ka mga indibidwal ang naghingusog nga angayang himuong legal ang marijuana sanglit puwede kini nga mahimong tambal sa grabeng sakit.

Alang kang Sen. Poe, kinahanglan una nga mabuwag sa klasipikasyon ang marijuana nga dangerous drugs adiser magpanday og balaud nga himuong legal ang marijuana aron maggamit kini nga tambal.

“Kung mapapatunayan na ang marijuana ay tunay na nakakapagaling sa ating mga pasyente, ito po ay na declassify lamang ito. Actually, hindi na dapat paglabanan pa, kasi, sa marijuana halimbawa, pag-ito ay hindi magagamit sa wastong paraan, ibig sabihin kung nagkaroon ng distribusyon, baka hindi naman natin mapigil, mas lumawak pa ang paggamit niyan. Kahit naman sa hospital, meron tayong tinatawag na mortem na ginagamit na mamanhid o mawawala yong sakit ay pinagbabawal actually na ipagbebenta sa labas pero kontrolado dahil sa ospital. Sa tingin ko, kailangan na madi-declassify na dangerous drugs, bago nating isipin kung kailangan pa bang magtatag ng batas para nito,” pamahayag ni Sen. Poe.

Sa bahin usab ni Sen. Chiz, hugot niining gibarugan nga dili angayan nga himuong legal ang marijuana tungod lamang sa katarungan nga nakaayo kini og sakit.

Pabilin, dugang sa senador ang marijuana nga dangerous drugs hinungdan dili kini angayan nga i-legalize ug labaw na nga himuong sambog sa tambal aron mahimo kining epektibo sa pagpaayo sa balatian.

Rekomendasyon sa senador, mas maayong seryoso ang awtoridad pagsumpo niining ginadili nga druga.

“Ngayon po, bawal ang marijuana ay meron nga marami, ano pa kaya kung gagawin nating bahagyang legal, lalong dadami. Para sa akin, dapat ituring na seryosong banta ng seguridad ng ating bansa ang problema sa druga.  Problema po ang druga hindi lang dito sa Butuan. Problema ang druga hindi lang po dito sa Caraga kundi sa buong bansa. Dapat na ituring itong kaaway para masawata ang druga,” baruganan ni Sen. Escudero.