Flagships Program sa DOTC Gilusad

Ni Alex Mapoy

DOTC Caraga Regional Operation’s
Division Chief Engr. Eugene Rula

BUTUAN CITY – Unom ka mga bag-ong programa sa Department of Transportation and Communications (DOTC) Caraga ang hingpit nang gilusad.

Gilangkoban kini sa Enforcers, Oplan Kahapsay, Road Safety Month, Zero Traffic Accident (ZETA), Caraga’s Ten Outstanding Drivers (CTOD), ug The Outstanding Enforcers of Caraga (TOENCA).

Sumala ni DOTC Caraga Regional Operation’s Division Chief Engr. Eugene Rula, ang maong programa gihimo aron mahimong disiplinado ang mga drivers.

Dugang ni Engr. Rula, ila kining gihimo aron usab matudloan ang mga driver sa hustong pamatasan, mahimong disiplinado, ug kamao nga mo hunahuna sa kaakohan ngadto sa uban.

“What do you mean a discipline, is a responsibility. With this, we have to ensure, every road user must be given importance by teaching them good values, discipline, and as sense of social responsibleness. This is the essence of public service,” pahayag ni Engr. Rula.

Ang maong inisyatiba sa liderato ni Engr. Rula, miani og pagdayeg gikan ni DOTC Caraga Regional Director Engr. Roman M. Jumawan.

DOTC Caraga Regional Director Engr.
Roman M. Jumawan

Butyag ni Engr. Jumawan, saludo ang iyang kadumalahan sa paningkamot sa Operations Division sanglit wala lamang matod pa kini nag-pokus sa regular nga trabaho kada adlaw kundi nangita pa kini og unsay ikaayo sa tanang drivers.

Subay niini, gipasalamatan sa opisyal ang liderato ni Engr. Rula.

“I would like to thank for their programs, headed by Engr. Rula and rest of the group and with the support of the Regional Office.  Mao ni ako gipangita sa matag division ug sa ato nga mga district, dapat dunay mga paglantaw. Dili lang kay naka-pokus sa inadlaw nga aktibidad,” pagpasalamat ni RD Jumawan.