Tuesday, July 14, 2015

Job Hiring Gihanyag

Ni Alex Mapoy
Courtesy of Butuan City Water District
BUTUAN CITY – Dugang puwersa ang gikinahanglan karon sa Butuan City Water District (BCWD).

Sa impormasyon nga gipaabot ni BCWD Senior Public Relations Officer Ramil S. Barquin, bakante ang Department Manager A nga puwesto sa kasamtangan hinungdan nga nangdawat ang buhatan og aplikante.

Simpleng kwalipikasyon lamang ang gipangita sa buhatan diin ang aplikante kinahanglan dunay Master’s Degree, Civil Service (CS) Professional Second Level Eligibility, 5 ka tuig nga Supervisory Experience, ug dunay 120 hours nga Management Training.

Niadtong aplikante nga madawat sa maong posisyon, ang binulang sweldo nga pagadawaton anaa sa Salary Grade 26.

Awhag sa opisyal, kadtong interesado mahimo kining mo sumite sa aplikasyon ingon man resume sa buhatan.
Hangtod lamang matod pa sa sunod Bernes, Hulyo 24, 2015 ang kataposan nga pagpangdawat sa aplikasyon.

Ang aplikasyon i-address direkta kang Engr. Anselmo L. Sang Tian, ang General Manager sa Butuan City Water District nga nahimutang sa Gov. J. A. Rosales Avenue ning siyudad sa Butuan.

Mahimo usab kining mo bisita sa BCWD HR Division  nga nahimutang sa BCWD Administration Building o kaha mo tawag sa telepono numero (085) 341-6374 ug 342-3145.

No comments:

Post a Comment