RH Law Gihangop sa PDI

Ni Alex Mapoy

RH LAW: Gikalipay ni PopCom Caraga Regional Director 

Alexander Makinano nga gihangop sa probensyal nga 

kagamhanan sa Dinagat Island ang maong balaud. 

Photo by Alex Mapoy

PROVINCE OF DINAGAT ISLANDS – Gatosan ka mga representante gikan sa nagkadaiyang hut-ong sa probensya sa Dinagat Island ang nitambong sa gipahigayong LGU Forum nga nagtuki sa mga lagda ug regulasyon pagpatuman sa Responsible Parenthood and Reproductive Health (RPRH) Law sa probensya.

Sumala ni PopCom Caraga Regional Director Alexander Makinano nga katuyoan sa maong tigom nga mapahibalo ug mapasabot ang mga stakeholders sa probensya bahin niini nga balaud.

Nag-unang tumong sa maong balaud nga mahatagan sa igong katakos ang kababayen-an o kaha magtiayon sa tagsa-tagsa ka komunidad nga mabansay ang ilang reproductive rights, paghatag kanila sa igong kahibalo kon unsa nga family planning method ang mahimong gamiton – artificial man o natural, ug matuman sa magtiayon ang hustong gidak-on sa pamilya aron maseguro nga lig-on ang aspeto sa socio-economic, emotional, ug psychological capacity.

“Said forum aimed to inform and educate the stakeholders in the provincial level about the RPRH Law – for this is, still, enabling women and couples in the community to exercise their reproductive rights; giving them an informed choice on what family planning method to use, either natural or artificial; and achieve the couple’s fertility intentions in accordance with their socio-economic, emotional and psychological capacity,” mensahe ni Dir. Makinano.

Lakip sa mga nitambong sa maong tigom si PDI Vice-Governor Ben B. Ecleo ingon man ang Provincial Administrator niini isip pagpakita sa sento porsyento nga suporta alang sa hingpit nga pagpatuman sa nasangpit nga balaud.

Nanguna sa gihimong pagpasabot ngadto sa mga nanambong ang Commission on Population-Caraga, Department of Health-Caraga, ug Department of Education-PDI Division.

Gilauman nga pinaagi sa pagpatuman niini nga balaud sa probensya, mahatagan sa tino nga sulbad ang isyu sa productive health ug sa padayong pagsaka sa populasyon.