Unstable Power Rate Gipasabot

Ni Alex Mapoy

POWER RATE: Gitin-aw ni Aneco Public Information 

Officer Danny Dela Cena nga ang generation charge maoy 

nag-usab usab, apan ang power rate nga masulod sa 

buhatan ang maintain lamang. Photo by Alex Mapoy

BUTUAN CITY – Giklaro sa kadumalahan sa Agusan del Norte Electric Cooperative, Inc. (ANECO) nga wala nausab ang power rate nga gisingil niini ngadto sa mga konsumidor.

Sumala ni Aneco Public Information Officer Danny Dela Cena, wala na usab ang binulang power rate nga mo sulod sa Aneco, apan dako lamang ang mabayran sa konsumidor sa nakonsumo nga kuryente gumikan sa generation charge nga gipatong niini.

Dugang ni Dela Cena, mahitabo nga dako ang mabayran sa konsumidor kon mo gamit ang Aneco og kuryente gikan sa daan nang nakontrata nga mga planta panahon kon magkulang ang suplay sa kuryente.

Gitin-aw sa opisyal, dinhe na mo dako ang bayrunon sa mga konsumidor tungod sa kamahal sa generation charge sa nakontrata nga mga planta.

Mahal ang generation charge sanglit nigamit ang planta og diesel nga maoy gigamit pagpaandar aron makasuplay og kuryente.

Pipila sa mga planta nga nakontrata sa Aneco mao ang Therma Marine Inc. (TMI) (Power Barge) nga anaa nahimutang sa lungsod sa Nasipit, Agusan del Norte; Mapalad Power Corporation (Power Barge) sa dakbayan sa Iligan; ug Geothermal Power Plant; ug uban pa.

“Ang rate nato nganong dili na siya stable, maglain-lain ni siya kada bulan, kay magdepende man pud ni siya sa gamit nato sa power sa kuryente. Kabalo man ta nga dili lang MPC ang atong source sa power. Naa na tay gipang-kontrata nga mga planta parehas niining Therma Marine – Power Barge sa Nasipit, sa Mapalad Power Barge sa Iligan. Unya, duna sab tay Geothermal Power Plant. Lain-lain ni ilang rate. So, kun magamit nato ning mga diesel nga power plant, mo taas gyud ang atong rate kay mahal mahal man ni siya. Magdepende ni siya sa gamit pud nato. Sa generation charge nato, kasagaran maglain-lain. Pero ang distribution nga rate nato sa Aneco nato nga gibayaran, rate bali sa Aneco, wala na siya na usab. Kadto lang sa generation nga part bali,” pagpasabot ni Dela Cena.