Thursday, July 16, 2015

Late Contributions Puwede Na – PhilHealth

Ni Alex Mapoy
PREMIUM CONTRIBUTION: Mahimo na sa Accredited Collecting Agents (ACAs) sa PhilHealth i-remit sa employer sa goberno ug pribadong buhatan ang late payments sa premium contribution sa empleyado, pagklaro ni Kenneth Po sa PhilHealth Caraga.
BUTUAN CITY – Gihatagan na og katungod sa nasodnong kadumalahan sa Philippine Health Insurance Corporation (PhilHealth) ang tanan niining Accredited Collecting Agents (ACAs) nga mahimong makakolekta sa mga late payments sa employer sa goberno ug pribadong buhatan sa premium contributions sa mga empleyado niini.

Ang maong lakang gihimo aron mahatagan og igong kahigayonan ang mga employers nga maka-remit sa premium contributions sa mga empleyado nga nalangan paghatag.

Sa maong paagi, dili na mag-antos pa ang mga nahisgotan nga maglinya sa buhatan sa PhilHealth aron i-remit ang nadugay nga premium contributions sa mga empleyado.

Basi sa impormasyon nga gipaabot ni PhilHealth Caraga Kenneth Po, gitugtan na ni PhilHealth President and CEO Alexander A. Padilla ang tanang ACAs nga mangdawat sa mga late payments sa premium contribution.

Nakalatid sa PhilHealth Circular 009-2015 nga gi-uloha’g Mandatory Payment of Premium Contributions of Employers and Employees in PhilHealth Accredited Collecting Agents, kadtong premium contributions gikan sa micro-firms ug employers nga dunay mga empleyado nga ubos sa 11 ka buok lakip na ang mga Katabang, adto kini i-remit sa pinakaduol nga buhatan sa PhilHealth.

Apan gitin-aw sa opisyal, dunay gihatag nga exemption labi na sa mga probensya nga walay access sa internet ingon man ACAs, mahimong idiretso pagbayad ang premium contributions sa PhilHealth Office.  

Kadtong mga lugar nga dunay ACAs, apan walay access sa internet, ang soft copy reports, i-sumite kini sa pinakaduol nga buhatan sa ahensya.

Ang mga ACAs sa buhatan naglangkob sa Allied Banking Corporation; Asia Trust Bank; Asia United Bank; Asian Hills Bank, Inc.; Banco de Oro – EPCI; Bank of Commerce; Bank of the Philippine Islands; Bank One Savings and Trust Corp.; Bukidnon Cooperative Bank; Century Rural Bank, Inc.; Century Savings Bank; China Banking Corporation; Citibank N. A.; Citystate Savings Bank; Country Rural Bank of Taguig, Inc.; Development Bank of the Phils.; Enterprise Bank, Inc.; Export & Industry Bank; Green Bank of Caraga (A Rural Bank); Gulf Bank (Rural Bank of Lingayen, Inc.); Land Bank of the Philippines; Maybank of the Philippines, Inc.; Metropolitan Bank and Trust Company; Money Mall Rural Bank, Inc.; One Network Bank, Inc.; Peninsula Rural Bank, Inc.; People's Bank of CARAGA; Philippine Business Bank; Philippine National Bank; Philippine Postal Savings Bank; Philippine Veterans Bank; Planters Development Bank; Premiere Development Bank; Producer's Rural Banking Corp.; Progressive Bank; RCBC Savings Bank; Rizal Commercial Banking Corp.; Robinson's Savings Bank; Rural Bank of Bambang (NV), Inc.; Rural Bank of Jose Panganiban (CN), Inc.; Rural Bank of Sta. Catalina (Negros Oriental), Inc.; Security Bank; Union Bank of the Phil.(Over-the-Counter & E-Pay); United Coconut Planters Bank; Development Bank of the Philippines; Philippine Veterans Bank; ug I-Remit, Inc.

Epektibo ang maong kamandoan sugod adtong Hulyo 1, 2015 ug cover niini ang nakalabay’ng bulan sa Hunyo ning kasamtangang tuig.

“To  fulfil this mandate, effective July 1, 2015 covering the applicable period of June 2015, all premium  contributions  of  employers  and  their  employees  in  the  gove rnment   and  private sectors shall  be   made   at   any  of  PhilHealth's  accredited  collecting  agents  (ACAs)  or   through  e-Payment facilities,” mensahe ni Po.

No comments:

Post a Comment