Ni Alex Mapoy
MAGALLANES,
Agusan del Norte – Kilat ang gitudlong hinungdan sa
pagkasunog sa balay ug cottage nga gipanag-iyahan sa pulis diha sa Brgy. Buhang sakop sa nahisgotang lungsod.
Sa imbestigasyon nga
gihimo ni Magallanes Municipal Police Station SPO1 George Perez, na igo sa
kilat ang ikaduhang andana sa cottage nga gipanag-iyahan ni SPO1 Edwin Alasaas adtong
Lunes, alas-6:45 sa gabii.
Bunga sa hitabo, niulbo
ang kalayo ug paspas nga nitabok ang kalayo sa duha ka andanang panimay nga
tapad lamang sa nasangpit nga cottage.
Ang cottage ug panimay
pulos gipanag-iyahan ni SPO1 Alasaas.
Daling niresponde ang
upat ka bombero aron pagngon ang maong kalayo ug nakontrola ang maong sunog
paglabay sa 45 minutos.
Sa estimate, molansang
sa P500,000 ang nabiling damyos sa nasangpit nga insidente.
Kahinumdoman,
gibundakan sa makusog nga ulan ang pipila ka bahin sa probensya sa Agusan del
Norte lakip na ang dakbayan sa Butuan.
Gisabayan ang makusog
nga ulan sa pagpangilat hangtod nalamoy sa kalayo ang cottage ug panimay human
na igo sa kilat.
No comments:
Post a Comment