BUTUAN
CITY
– Gihimakak sa kadumalahan sa Agusan del Norte Electric Cooperative, Inc.
(Aneco) ang alegasyon nga dako ang makonsumo nga kuryente sa kalit nga pagbalik
niini gikan sa pagkapalong.
Ang maong alegasyon
nigawas human masinatian sa matag karon ug unya sa mga konsumidor ang kalit nga
pagkapalong sa kuryente, apan pipila ka segundo, mobalik ra usab gilayon ang
suplay niini nga posibleng makapakusog sa pagtuyok sa kwentador.
Sumala ni Aneco Public
Information Officer Danny Dela Cena, sayop ang gituohan sa mga konsumidor nga
mo dako ang konsumo sa kuryente kon mo kalit pagbalik ang kuryente gikan sa
pagkapalong.
Gi-angkon ni Dela Cena,
kusog mo tuyok ang meter disc sa kalit nga pagbalik sa kuryente, apan, dili
kini makaabot og isa ka tuyokan.
Pasabot sa opisyal, ang
isa ka kilowatt katumbas kini sa 500 ka tuyokan sa meter disc nga nagtimaan,
ang kusog nga pagtuyok sa meter disc tungod sa kalit nga pagbalik diin wala
nakaabot og isa ka tuyokan, dili makapadako sa konsumo.
“Mao
nay pagtuo kasagaran sa mga consumers nga once mop along, unya mo kalit lang og
siga, mo dako daw ang ilang konsumo. Sa tinuod, dili na siya maka-apekto sa
konsumo nato kay kon tan-awon nato nang metro, kasagaran sa metro nato, duna na
siyay gitawag nga revolution per minute. Pasabot niana, ang pagtuyok sa disc
niana, naay pila ka revolution niya, ayha mo kwenta per kilowatt. Kon tan-awon
nato na sa metro, kon palungon nato’g kalit na, pagsiga’g kalit sab, mo tuyok
na siya’g kusog, pero, dili na siya makatuyok og isa ka tuyok. So, dili ra pud
na siya kaabot og isa ka kilowatt kay ang isa ka kilowatt, moabot man og 500
revolutions,” pagtin-aw ni Dela Cena.
Subay niini, gibakwi sa
opisyal ang gibating kabalaka sa mga konsumidor kabahin sa gikaingong pagdako
sa konsumo tungod sa kalit nga pagbalik sa kuryente sanglit wala kini
kamatuoran.
No comments:
Post a Comment