 |
KLIYENTE: Pinakataas nga posisyon nga nanarbaho sa gobernong
buhatan nga nahimong kliyente sa DOJ-PPA Caraga, mao ang kapitan sa
barangay, pahayag ni DOJ-PPA Caraga Regional Director Lina K. Burdeos. Photo by Alex Mapoy
|
BUTUAN
CITY
– Dunay mga kapitan sa barangay ang nahimong kliyente sa Parole and Probation
Administration (PPA) Caraga.
Makonsidera sa
rehiyonal nga kadumalahan nga kini nga posisyon sa piniling opisyal maoy
makonsidera nga pinakataas nga posisyon sa gobernong buhatan nga naka-benepisyo
sa programa sa buhatan.
Sumala ni DOJ-PPA Caraga
Regional Director Lina K. Burdeos, ang nahimong salaud sa pipila ka barangay
kapitan ang dili kabahin sa kasong pagpangawat kondi laing kaso ang
gilambigitan niini.
Ang maong pahayag ni
Dir. Burdeos, gibasi ra usab niya kini sa nakaabot nga impormasyon sa rehiyonal
niining buhatan.
“Naa
say talagsa. Pero, lain nga mga kremin ang ilang gipamuhat. Ambot lang, basta
kay ingon sila, naay mga barangay kapitan, naay sa LGU pud,”
pahayag ni Dir. Burdeos.
Hisayran nga kasagaran
sa nahimong kliyente sa mga sangang buhatan mao kadtong dunay kaso sa
pagpangawat.
Lantaw sa direktor,
posible nahimo kini sa pipila ka mga kliyente gumikan sa nasinatiang kawad-on
hinungdan nga wala na kini naghunahuna pa kon unsay sangpotan sa maong dautan
nga buhat.
“Crimes
against property. Tungod tingali, nuh sa kawad-on. Dili kaayo sila makahunahuna
unsay consequences sa ilang pagpangawat. So, mao na. manghilabot sila sa butang
nga dili ila,” pasabot sa opisyal.
Basi sa estimate sa
direktor, ang kinatibuk-ang ihap sa nahimo nga mga kliyente sa tibuok rehiyon,
lagpas kini sa 1000 ka buok diin kapin 600 niini ang mga probationers samtang
kapin 400 ka buok mga parolado ug pardonado.
Sa kinatibuk-ang ihap,
mo duwa sa 200 hangtod 400 ka buok kliyente ang napailawom sa superbisyon sa
City Parole and Probation Administration Butuan nga gidumala ni Chief Parole
and Probation Officer Cristina Argente uban sa pag-abag nila PPO II Alex
Castaños ug PPO II Ester Samano.
No comments:
Post a Comment