AFP, No Partisan sa Eleksyon

Ni Alex Mapoy

401st Brigade Philippine Army Commander
Col. Alexander Macario 

PROSPERIDAD, Agusan del Sur – Gipaneguro sa liderato ni 401st Brigade Philippine Army Commander Col. Alexander Macario nga “non-partisan” ang militar sa umaabot nga eleksyon.

Sumala ni Col. Macario, andam mo sunod ang kasundalohan sa mando unya sa Commission on Election (Comelec) nga ipabilin ang kalinaw ug kahapsay sa piliay aron maseguro ang honest election.

Kabahin sa pagsanong mao ang pagdakop sa mga private armed groups (PAGs) kon ugaling duna kini ma-monitor nga maglihok sulod sa kinatibuk-an niining hurisdiksyon ang Agusan del Norte ug Agusan del Sur.

Pasabot ni Col. Macario, kon dunay duha o tulo ka armadong grupo ang pulitiko, makonsidera kining PAGs hinungdan nga ila kining dakpon ug itugyan ngadto sa kapulisan sa ingon manubag sa kalapasan nga nahimo.

Dili usab magpanuko ang kasundalohan pagdakop sa PAGs bisan kinsa pa nga pulitiko ang mag-organisa sanglit sanglit ang militar, walay gidapigan.

“2 or more armed group sa pulitiko, we consider it as PAGs o private armed groups, kaya huhulihin natin,” pagtin-aw ni Col. Macario.

Sa karon, wala pay na monitor sa militar o kaha opisyal nga report nga dunay armadong grupo nga nagtunhay sa ilang area of responsibility.