Kolehiyo o Unibersidad?

Ni Alex Mapoy

Kolehiyo man o unibersidad, academically equal lang sumala ni CHED Caraga Chief Education Program Specialist Engr. Ramil A. Sanchez

BUTUAN CITY – Daghan ang nagtuo nga mas de kalidad ang edukasyon sa unibersidad kon itandi sa edukasyon sa kolehiyo.

Kini ang hinungdan nga mas daghang estudyante ang nangandoy nga adto sa unibersidad mo eskwela.

Sumala ni Commission on Higher Education (CHED) Caraga Chief Education Program Specialist Engr. Ramil A. Sanchez, “academically equal” ang kolehiyo ug unibersidad.

Hinuon, giklaro ni Sangchez, magdepende usab sa panginahanglan sa estudyante.

Gihimong sanglitanan sa opisyal, kon ang estudyante gusto nga mo tungha sa eskwelahan nga daghang programa ug klase nga ihanyag, mas maayo matod pa nga sa unibersidad kini mo tungha.

Apan, kon ang estudyante gusto sa mas gamay nga gidak-on sa klase ug mahimong mas suod sa mga professor, mas maayo nga adto kini mo tungha sa kolehiyo.

“Many students ask if a university is better than a college. A college and university generally are academic equals. Depending on the student’s needs, one type of institution may be a better choice. For example, if a student wants to attend a school with a variety of programs and classes, then a university may be a better choice. If a student values small class sizes and a closer relationship with professors, then a college might be the best option,” pahayag ni Sanchez.

Subay niini, gitambagan sa opisyal ang mga estudyante nga gustong mo kuha og kurso, dili na importante pa ang pangalan sa institusyon kondi asa mahaum ang kaugalingong expectation sa kolehiyo ba o sa unibersidad.

“If you are a student considering getting a bachelor’s or graduate degree, your school’s name is less important than whether or not the school is a good fit. Think about what you want your college experience to be like, and choose the college or university that meets your expectations,” tambag sa opisyal.