Tuesday, September 8, 2015

LGUs Gihataga’g Ultimatum

Ni Alex Mapoy
PROYEKTO. Angayang humanon sa pipila ka Local 
Government Units (LGUs) ning rehiyon ang mga pro 
yekto nga gipatuman sukad adtong 2011 aron maha 
tagan og dugang ayudang pinansyal, pagtin-aw ni 
RD Mabeza. Photo courtesy of PIA Caraga
BUTUAN CITY – Gihatagan og ultimatum sa kadumalahan ni Department of Agriculture (DA) Caraga Regional Director Edna Mabeza ang pipila ka mga Local Government Units (LGUs) ning rehiyon kabahin sa gipatuman nga mga proyekto nga wala pa mahuman.

Mismo si RD Mabeza nikomperma sa mga media nga dunay pipila ka mga LGUs nga nahatagan og pundo alang sa gi-proposed nga proyekto partikular na sa mga tuig 2011, 2012, 2013, ug 2014 ang hangtod karon, wala pa matibawas.

Baruganan ni RD Mabeza, tanang proyekto sa agrikultura ang paningkamotan nga mahuman sulod ning tuiga labi na kadtong gisugdan pagpatuman sa nasangpit nga mga tuig.

Alayon niini, gipadad-an og sulat ang mga hingtungdang LGUs ning rehiyon nga ipahuman ang nasangpit nga mga proyekto.

Unod matod pa sa ilang sulat ngadto sa pipila ka LGUs mao ang paghatag ultimatum dungan sa pagbahad nga kon dili mahuman ang maong mga proyekto, dili na hatagan sa rehiyonal nga buhatan og dugang ayudang pinansyal ang hingtungdang lokal nga kagamhanan kon dili mahuman ang gipatumang proyekto sukad sa tuig 2011.

Subay sa maong sulat, positibong gisanong sa pipila ka LGUs nga humanon ang nasangpit nga mga proyekto sulod ning tuiga butang nga gikalipay sa opisyal.

“Naningkamot ang Department of Agriculture nga tanang project mahuman. Pag-abot sa 2015, naa pa tay mga 2005 nga mga projects na settled na sila sa mga local governments. Ang naa karon ang 2011, 2012, 2013, ug 2014 and we target nga mahuman ni karong tuiga. Ang among sulat sa ila, kon dili nila ipahuman kani, we will not provide you additional support funding karong tuiga kon dili mahuman. At least, we are happy our LGUs are cooperating nga matiwas ang mga projects,” pahayag ni Mabeza.

No comments:

Post a Comment