Media Gipasaligan sa Ahensya

Ni Alex Mapoy

DA Caraga Regional Director Edna M. Mabeza

BUTUAN CITY – Gipasalig sa liderato sa Department of Agriculture (DA) Caraga ngadto sa media practitioners nga kon dunay mo igo nga kalamidad ug maapektohan pag-ayo ang mga mag-uuma, dali kining tabangan sa rehiyonal nga buhatan.

Sumala ni DA Caraga Regional Director Edna M. Mabeza, sa higayon nga dunay mo hapak nga kalamidad sa rehiyon, tabangan gilayon sa ilang buhatan ang mga apektadong mag-uuma labi na kadtong nadaut ang mga pananom.

Dugang ni Mabeza, tuyo sa buhatan nga matabangan ang mga mag-uuma nga daling makabangon ug makasugod pagtanom.

Gitin-aw sa opisyal nga mga planting materials ug mga binhi ang ilang gihatag ngadto sa mga benepisyaryong mag-uuma.

Pamugos sa direktor, gawas sa mga binhi ug planting materials, nanghatag usab sila og mga pato ug manok.

Ang nahisgotang tabang gipaagi sa rehiyonal nga buhatan ngadto sa nagkadaiyang Municipal Agriculture’s Office ning rehiyon sanglit sila matod pa ang nakasayod kon kinsa nga mga mag-uuma ang na apektohan.

“Naguba ang ilang pananom ug uban pa, we provide thru municipal agriculture offices such of planting materials which will be distributed to our farmers aron makabangon ug makabalik sila og tanom.  Naa kami buffer stocks sa corn. Naa pud mi mga other seeds like vegetable seeds which are distributed to them. Naa pud tay mga pato, mga manok nga among gipang-distribute aron makabangon sila,” pamahayag ni Mabeza